Kryebashkiaku i Shkodrës dhe njëherazi kandidati i koalicionit Bashkë Fitojmë për zgjedhjet e 14 majit në këtë bashki, Bardh Spahia, është shprehur optimist në lidhje me rezultatin. Në një prononcim për mediat Spahia shkoi dhe më tej pasi deklaroi se rezultati do të jetë edhe më i thellë se ai i 6 marsit. Sakaq, ai i bëri thirrje organeve kompetente për të marrë masa në mënyrë që qytetarëve t’u mundësohen zgjedhje të lira dhe të qeta.
“Të vërshojnë drejt qendrave të votimit me bindje absolute se me votën e tyre do rrisin Shkodrën për katër vitet ardhshme, Shkodrën e kulturës. Kemi pasur njoftimi dhe sinjalizime për problematik, kryesisht në hapje të procesit zgjedhor dhe orët e para të mëngjesit.
Kam shprehur thirrjen për organet ligj zbatuese që të ushtrojnë funksionin e tyre dhe tu garantojnë qytetarëve votim të lirë dhe të qetë. Ka një rritje të ndërgjegjes qytetare dhe ne synojnë këtë, që të shtyjmë qytetarët drejt votës. Nuk ka gjë më të rëndësishme për ne sesa pjesëmarrja në votime dhe shprehjen e vullnetit të plotë përmes votës. Koalicioni ynë po zbaton rregullat dhe është detyrë e strukturave të rendit për të garantuar lirinë dhe qetësinë.
Pres një rezultat me një diferencë më të madhe se zgjedhjet e mëparshme”, u shpreh Spahia.
