Betonizimi i Tiranës dhe ‘zhdukja’ e gjelbërimit për shkak të favorizimit të oligarkëve që ngrenë kulla, biznese dhe ndërtesa që gjenerojnë para në xhepat e tyre shpesh irritojnë popullin e thjeshtë që nuk kërkon asgjë tjetër vetëm privatësi dhe dritë dielli në shtëpinë e tyre. Kjo gjë po ndodh me zonjën Fatma Mesiti, e cila prej dy vitesh nuk po gjen qetësi për shkak të ndërtimit të lokalit bar Balux tek zona e ish-Bllokut e cila është shumë pranë dritares së dhomës së gjumit të pallatit të saj. Fatma ka kontaktuar përsëri me redaksinë e Gazeta Reforma dhe ka shprehur dhe njëherë shqetësimin për hapjen e çadrave të bar “Balux”. Vendi ku është ndërtuar biznesi është marrë pa leje sipas Fatmës dhe kjo nga Irfan Hysenbelliu i cili e ka kaluar në emër të vëllait të tij Bardhyl Hysenbelliu i cili e ka dhënë me qira. Pas hapjes së çadrave nga ana e lokalit që i shkel privatësinë zonjës Fatma, kjo e fundit ka kontaktuar me Mariglen Qaton dhe i ka kërkuar llogari dhe arsye se përse bar “Balux” hapi përsëri çadrat.
Fatma Mesiti i shkruan Mariglen Qatos:
Perseri i hapet cadrat? Nuk do ju lejoj zotri. Nese ndodh diçka ketu , pergjegjsia do bjere mbi ju.
Pas kësaj kreu i IMT Mariglen Qato, e kontakton Fatmën në telefon dhe i thotë se kush është duke i paraqitur një mënyrë të foluri jo njerëzore. Fatma i ka thënë që është një zonjë që kërkon që mos i zihet drita e diellit dhe të kem privatësi pa u cënuar nga bar “Balux”, por Qato i ka thënë ‘budallaçkë’ dhe e ka mbyllur telefonin.
Fatma është ndjerë e fyer dhe i ka shkruar:
“Budallaçke mos ke tet shoqe tet moter dhe çte mban pragu shtepise. Po ja ku rene ky vend ne dore te njerezve si puna juaj qe ende nuk jeni qytetruar. Ti quan budallaçke nje njeri qe mbron shtepine e vet, zoti mos ju durofte, nuk ke faj dita juaj erdhi ….njerezit e ndershem dhe te nderuar per ju jane budallenj, nuk ke faj dita jote erdhi”.
