Gjykata Administrative e Apelit shqyrtoi sot vendimin e anulimit të liçensës për prodhimin e energjisë nga HECi Zais, në Parkun Kombëtar Lurë-Mali i Dejës.
Gjykata Administrative la në fuqi vendimin e shkallës së parë. Prej tre vitesh tashmë banorët e kësaj zone protestojnë dhe nuk lejojnë që të ndërtohen HEC-et në zonën që ishte planifikuar. Ndërsa liçenca e Seka Hydropoëer është anuluar.
Ndërkohë ditën e sotme banorë të Zall-Gjoçaj, aktivistë e qytetarë pritën para derës së Gjykatës për një vendim të drejtë, lënien në fuqi të vendimit të Shkallës së Parë.
Leja për ketë hec në Zall Gjocaj u miratua në tetor të vitit 2018-të nga Këshilli Kombëtar i Territorit, ndërsa më herët ishte dhënë drita jeshile për hidrocentralin Zais, por në një territor jashtë zonës së mbrojtur.
Aktivistë të kauzës Mbro Zall-Gjoçaj shpalosën sot një banderolë përpara Apelit Administrativ, një mesazh për Gjykatën që shqyrton të mërkurën vendimin për anulimin e liçensës së prodhimit të energjisë në Park Kombëtar. Në seancën e 10 nëntorit trupa gjykuese rimerr në dorë liçensimin e “Seka Hydropower” sh.p.k nga ERE (Enti Rregullator i Energjisë) për të prodhuar energji me HECp-et “Sekë” dhe “Zais”, e cila është anuluar në shkallën e parë të Administratives. Avokatura e Shtetit e ka ankimuar këtë vendim në Apel, ndërkohë pala paditëse, banorë të Zall-Gjoçaj, dhe aktivistë e shohin si të drejtë dhe se duhet të mbetet në fuqi, rrjedhimisht të marrë formë të prerë.
