Tirana praktikisht është “pushtuar” nga protestat, ku ditën e sotme është hapur një vatër tjetër.
Mbrëmjen e sotme, rreth orës 16:00, banorët e Paskuqanit kanë vendosur që të bllokojnë rrugën që lidh këtë zonë me Kamzën.
Protesta vjen në kuadër të protestës së bashkuar të paralajmëruar nga opozita, ku sipas qytetarëve ata kanë dalë për situatën e mjerë ekonomike në të cilën ndodhet sot jo vetëm Paskuqani, por i gjithë vendi.
Qytetarët kanë lëshuar thirrje kundër qeverisë, dhe i kanë kërkuar kryeministrit Rama që si shkaktar sipas tyre i varfërisë, rritjes së çmimeve, falimentimit të biznesit dhe veçanërisht largimit të të rinjve nga Shqipëria, të largohet nga pushteti.
https://www.facebook.com/partiademokratike/videos/370115680437763/
