Ditën e sotme banorët e Mbrostarit në Fier janë çuar në protestë, pasi pretendojnë se punimet në rrugën e ByPassit i kanë bllokuar rrugën në të cilën ata kalojnë për në shtëpi.
Kjo situatë e cila vazhdon prej disa ditësh është kthyer në një shqetësim për banorët.
Janë rreth 35 familje të cilat janë ngritur në protestë dhe paralajmërojnë që do të përshkallëzojnë atë deri në bllokimin e rrugës.
“Kjo është e vetmja rrugë, nuk ka rrugë tjetër. Nuk kalon asnjë makinë apo ambulancë. Kemi bërë shumë ankesa, por nuk na është dhënë zgjidhje,” – shprehen banorët.
