Mijëra qytetarë në Lezhë ndodhen në terr prej disa orësh. Bëhet me dije se banorët e Lezhës po përballen me mungesën e energjisë elektrike prej mbrëmjes së të enjtes. Konkretisht, mijëra qytetarë kanë mbetur pa drita prej orës 23:00.
Situata për ta bëhet akoma më e vështirë për shkak se po përballen edhe me mungesë të ujit të pijshëm dhe askush nuk po mban përgjegjësi për këtë situatë.
OSHEE kishte lajmëruar kthim të energjisë në orën 05:30, por ende nuk ka një njoftim zyrtar se kur banorët do t’i kthehen normalitetit. Ndërsa fajin ja vënë motit të keq. I njëjti justifikim është përdorur edhe për situatën në Kukës ku u bllokuan shumë rrugë, si dhe për gjendjen në Durrës ku i gjithë qyteti u përmbyt dhe pati shumë dëme materiale për banorët.