Protesta e zhvilluar disa ditë më parë nga banorët e Gjoricës në Bulqizë për ujin e pijshëm, duket se ka shkuar edhe në veshin e institucioneve përkatëse, të cilat kanë dhënë reagimin e tyre.
Vet prefekti i Qarkut Dibër, Nexhbedin Shehu, ka thënë se kërkesat e banorëve janë të drejta dhe se pushteti vendor duhet të takojë ata dhe t’i sqarojë ata në lidhje me investimin.
Nga ana tjetër Kryetari i Bashkisë Bulqizë, Melaim Damzi tha se projekti i financuar për këtë ujësjellës është i ndarë në dy faza. Faza e parë ka mbaruar ndërsa shtoi se vlera e projektit të dytë i rrjetit shpërndarës në familje kap vlerën e 184 milionë lekëve dhe është e papërballueshme për buxhetin e Bashkisë.
Banorët e Gjoricës kanë paralajmëruar rikthimin e protestave nëse problemi i ujit të pijshëm për ta nuk zgjidhet shumë shpejt.
