Banorët e Astirit vazhdojnë revoltën kundër prishjes së shtëpive dhe bizneseve të tyre.
Të bashkuar, tashmë më të vendosur, ata deklarojnë thuajse njëzëri se nuk kanë për të ndaluar protestat deri në anulimin e projektit dhe i kanë drejtuar thirrje qytetarëve që të bashkohen me ta dhe t’i mbështesin.
Njëri nga banorët nuk ka nguruar edhe të bëjë thirrje duke thënë se qeveritarët do lënë kockat nëse e vazhdojnë këtë projekt.
“Bëj thirrje të tërhiqen nga ky projekt, pasi po ju themi do të lini kockat në Unazë të Re. Këtu është çështje e shkeljes së të drejtave të njeriut. Bashkim Ulaj një oligark i fëlliqëm që ka marrë para publike nga qeveria. Ai duhet të ketë vendin në burg, por prokuroria dhe gjykatat tona janë për të mbushur xhepat e tyre.”- u shprehën banorët.
