Banorët e Astirit vazhdojnë të “luftojnë” për shtëpitë e tyre, ndaj edhe sot si çdo ditë tashmë, kanë ndaluar qarkullimin e makinave në të dyja anët e Unazës së Re.
Shënon dita e 142 e protestës dhe banorët e shtëpive që kërkojnë me ngulm anulimin e projektit, kanë dalë me thirrje dhe pankarta që sulmojnë jo vetëm kreun e qeverisë, Edi Ramën, por edhe atë të bashkisë, Erion Veliajn.
Mirëpo këtë herë fjalët kanë qenë të ashpra duke thënë se asnjëri s’po del t’i jap zgjidhje çështjes së tyre, kështu që ata do ta gjejnë vetë, qoftë edhe me dhunë.
“Asnjë kryeministër nuk po del t’i japë zgjedhje kësaj gjëje. Do veprojmë me dhunë sa të jetë nevoja. Nuk po e kuptoj pse shteti nuk po vepron për t’i dhënë zgjidhje kësaj gjëje. Ne nuk do biem pre e këtyre. Por, nëqoftëse ata do të na provojnë ne do t’i kthejmë monedhën” –tha një nga banorët.
Ashtu siç edhe është thënë më herët nga banorët, ka pasur shumë persona që kanë provokuar, ndaj njëri prej tyre apelon dhe bën thirrje që asnjëri prej tyre të mos të bjeri preh e tyre.
“Mirëmbrëma banorët e Unazës, kam një thirrje për këta që janë në protestë mos bini pre e provokimeve të kalimtareve se mund të jenë edhe provokime nga ana e policisë. Protesta e Unazës është një protestë kundër vjedhjeve.
Këto provokacione nuk e di nga vijnë, çdo natë policia ka ndaluar trafikun ndaj i bëj thirrje policisë që të mos provokojnë qytetarët se askush nuk mban përgjegjësi. Ju ftoj çdo ditë e më shumë të mblidheni në protestë. Kryeministi Edi Rama dhe zagari i Bashkisë Erion Veliaj po mundohet të na ndajë por nuk do ta arrijë kurrë. Se ku e do bëje fushatën Erion Veliaj që nuk ka lënë të zezë pa i bërë qytetarëve. Vetëm një i çmendur mund ta mbështesë atë. “-tha ai.
