Banorët e Astirit nuk ndalen dhe këtë gjë vazhdojnë që ta vërtetojnë çdo ditë edhe më shumë.
Mbrëmjen e sotme ashtu si çdo ditë për katër muajt e fundit kanë dalë në orën e përcaktuar për të mbrojtur shtëpitë e tyre dhe pas përfundimit të orarit të gjithë kanë marshuar drejt Drejtorisë së Policisë së Tiranës.
Ashtu si pas çdo proteste tashmë, uniformat blu arrestojnë personat të cilët i konsiderojnë si shkaktarë të trazirave dhe pikërisht për këtë arsye, banorët po shkojnë për t’i mbështetur.
Nuk kanë qenë të pakta thirrjet e tyre kundër pushtetit si qendror ashtu edhe lokal ku kanë mbizotëruar parullat e tilla si “Rama ik!”, “Poshtë qeveria”,“Lironi çunat” apo edhe “E duam bashkinë pa Erion Velinë”.
Ndërkohë që banorët janë afër vendtakimit tashmë me protestuesit e tjerë para Drejtorisë së Policisë, mes tyre nuk mungojnë edhe përfaqësues të ndryshëm të opozitës, të cilët që pas dorëheqjes nga Parlamenti duhet thënë se janë shtuar në numër duke dhënë mbështetjen e tyre.
https://www.facebook.com/partiademokratike/videos/581681725644954/
