Protesta e banorëve të Astirit vazhdon ende, ku kërkesa kryesore mbetet anulimi i projektit të Unazës së Re.
Banorët vazhdojnë të jenë të bindur se ky është një projekt korruptiv dhe dëmton pronat dhe bizneset e tyre, ndoshta në mënyrë të pakthyeshme.
“Prona është vetë jeta për njeriun por këta që janë në pushtet nuk duan t’ia dinë për pronat e qytetarëve të zakonshëm sepse të tyret nuk ua prek njeri”, – tha njëri prej protestuesve
Megjithatë një thirrje interesante, banorët iu kanë bërë edhe ambasadave, prej nga kërkojnë që mos të bëjnë sehir, por të dalin në mbështetje të shqiptarëve.
“U bëjmë thirrje ambasadave që rrinë e bëjnë sehir që të dalin në mbështetje të shqiptarëve, të shikojnë se çfarë po bën qeveria dhe ky palo kryeministër dhe të mos komentojnë pastaj arsyet se përse ikin shqiptarët nga vendi i tyre”.
“Unaza e Re nuk do resht së protestuari deri në arrestimin e atyre që kanë kryer afera korruptive me këtë projekt,” – u shprehen banorët.
