Biznesi në kryeqytet ndodhet në një situatë tepër të vështirë.
Kjo për shkak se Bashkia e Tiranës renditet e katërta në rajon, për ngarkesën e lartë fiskale, shkruan “Monitor”.
Të dhënat janë marrë nga një studim i Bankës Botërore për Urbanizimin në Ballkanin Perëndimor.
“Numri i taksave në disa qytete në Rajon është shumë i lartë. Beogradi, Sarajeva, Tirana dhe Zagrebi aplikojnë më shumë se 30 taksa ndaj biznesit, ndërsa mesatarja rajonale ku përfshihen edhe qytete të tjera të mëdha është 9 taksa dhe mesatarja e Rajonit të ECA është 16 taksa” , thuhet në studim.
Sipas studimit, kryeqytetet duhet të riorientohen drejt uljes së taksave.
Gjithashtu sugjerohet që bashkitë, ku përfshihet edhe Tirana, të ngrenë sistemi auditi dhe inspektimi në mënyrë që të zgjerojnë bazën e tatimpaguesve dhe të ulin barrën fiskale.
Për Tiranën, studimi vë në dukje se modelin e zhvillimi e ka të bazuar te industritë fasone, ndërsa nuk ka mundur të ketë një qasje ndaj teknologjisë dhe informacionit.
Përsa i përket rajonit, kryeqyteti serb, Beogradi, ka një model ekonomik zhvillimi më të qëndrueshëm.
