Policia franceze ka çmontuar një bandë kriminale shqiptare që kryente vjedhje në Francë dhe Belgjikë, duke synuar banesat e personave VIP si futbollistë, pilotë të Formula 1 dhe këngëtarë të njohur.
Banda ka grabitur rreth 1 milionë euro, përfshirë bizhuteri dhe artikuj luksozë, të cilët më pas janë shitur në Shqipëri.
Operacioni ka çuar në arrestimin e shtatë personave, ndër ta dhe kreu i dyshuar, Edison Pula, një shqiptar i kërkuar nga Interpol, i cili ishte arratisur disa herë, përfshirë një shpërthim spektakolar nga një burg italian në 2022.
Grupi është quajtur “Nikla” nga autoritetet franceze dhe akuzohet për një sërë grabitjesh të guximshme.
Operacioni, i konsideruar si një goditje e madhe ndaj krimit të organizuar, u realizua në kuadër të hetimeve që përfshinin më shumë se 30 raste krimi nga qershori 2022 deri në shtator 2024.
