HEC-i që ishte parashikuar të ndërtohej në Kanionin e Holtës është pezulluar. Kjo deklaratë na vjen nga Kreu i Partisë Socialiste në Gramsh, Klodian Taçe, përmes një njoftimi në rrjetin e tij social, Facebook.
Taçe shkruan se gjatë një takimi informues me ministrat Balluku dhe Klosi, shoqëruar nga Taulant Balla dhe Anastas Angjeli, është shprehur vendimi se punimet e HEC-it pranë Kanionit të Holtës dhe në të gjitha HEC-et e tjera, janë pezulluar.
“Më tej morëm garancinë se “skaneri” i dy ministrive do bëj të mundur që të kontrollohen edhe dhjetra HEC-e të tjera përfshirë edhe atë pranë Liqenit të Zi në Shën e Premte të Lenies i cili do verifikohet me prioritet dhe për të gjitha shkeljet për lejet që janë dhënë tashmë, do merren masa për bllokimin përfundimtar të lejeve”, është shprehur Kreu i Ps në Gramsh, Klodian Taçe.
Postimi i plotë i Klodian Taçe
Ashtu si ju premtuam, në një takim informues me dy ministrat Znj. Balluku dhe Z. Klosi, së bashku me dy miqtë e qytetit të Gramshit, Sekretarin e Përgjithshëm të Partisë Socialiste🌹 Taulant Balla dhe deputetin tonë Prof. Anastas Angjeli, në prani edhe të shumë banorëve të qytetit dhe zonës përreth, morëm konfirmimin se punimet për HEC-in pranë Kanionit dhe të gjitha HEC-et e tjera janë pezulluar.
Më tej morëm garancinë se “skaneri” i dy ministrive do bëj të mundur që të kontrollohen edhe dhjetra HEC-e të tjera përfshirë edhe atë pranë Liqenit të Zi në Shën e Premte të Lenies i cili do verifikohet me prioritet dhe për të gjitha shkeljet për lejet që janë dhënë tashmë, do merren masa për bllokimin përfundimtar të lejeve.
Edhe njëher doja t’ju falenderoja ju miq e bashkëqytetarë të gjithëve me radhë, që se bashku u bashkuam dhe mbrojtjëm një pasuri natyrore të pakthyeshme. Një falënderim edhe për ekipin e deputetëve te qarkut Elbasan për sensibilizimin dhe ndjeshmërinë që patën.
Së bashku bëmë të mundur që zëri i arsyes të kumbonte mbi klientelizmin👏👏👏.
#EGjithëVëmendjaTekJu👪
#PSGramsh🌹
