Mes dhimbjes dhe lotëve, e bija e aktorit të njohur Naun Shundi ka ndarë emocionet e saj gjatë homazheve për të atin, i cili u nda nga jeta duke lënë një boshllëk të madh në artin shqiptar.
Ajo tha se largimi i tij ishte i papritur dhe i dhimbshëm, duke theksuar se nuk pati një fjalë të fundit lamtumire, por la pas një trashëgimi të çmuar për teatrin dhe kulturën shqiptare.
“Edhe pse iku, la diçka, dhe ajo që la është Zonja e Bujtinës. Ai ia kushtoi jetën teatrit. Mjekët nuk na e thanë dot që babi do të vdiste, askush nuk na e tha. Ai mendoi se do të jetonte. Babain e hëngri kanceri nga brenda. Babi po përgatitej për një shfaqje, por nuk e përfundoi,” u shpreh ajo me zë të dridhur.
Naun Shundi, i njohur për rolet e tij të spikatura dhe përkushtimin e tij ndaj skenës, u përcoll me nderime nga familjarë, miq, kolegë dhe publiku që e ka duartrokitur për dekada. Humbja e tij lë një boshllëk të madh në teatrin shqiptar, ndërsa kujtimi dhe veprat e tij mbeten një testament i pasionit dhe dashurisë për artin.
