Një foto pikëlluese ka qarkulluar ditën e sotme në rrjet. Baba e bijë u mbytën në një lumë, në tentativa e sipër për të hyrë në SHBA.
Oscar Alberto Martinez Ramirez donte një jetë më të mirë për veten dhe vogëlushen e tij, Valeria.
Ai nuk arriti dot kurrë të realizonte ëndrrën e madhe, por do të mbahen mend si babë e bijë që vdiqën në përpjekje për të kaluar Rio Grande.
Fotojaështë kaq pikëlluese saqë vogëlushja vetëm 23 muajshe humbi jetën në krahët e babait të saj. Ata nuk arritën të shpëtonin dot nga rrjedha e lumit.
Baba e bijë u gjetën të përqafuar brenda të njëjtës bluzë, me trupat e tyre të pajetë.
Ramirez, nga El Salvadori, donte me çdo kusht të largohej nga vendi i tij, por nuk kishte arritur të kalonte kufirin, edhe pse kishte bërë kërkesë për azil.
Këtë të diel që lamë pas ai vendosi të kalonte me not kufirin përmes lumit, bashkë me të bijën.
Burri arriti të kalonte të bijën në anën tjetër të lumit, e la atë në breg dhe do të kthehej për të marrë të shoqen, Tania Vanessa Avalos.
Teksa notonte drejt të shoqes, e bija u frikësua dhe nisi të hidhej në ujë. Ai u detyrua të kthehej për të shpëtuar vogëlushen. Arriti ta kapte atë, por rrjedha e lumit ishte shumë e fuqishme.
Mamaja e Oscar, Rosa Ramirez, tha:
Ai u kthye teksa vajza u hodh në ujë. E futi atë në bluzë dhe teksa rrjedha e ujit bëhej gjithmonë e më e rrëmbyeshme, të dy ikën bashkë”.
Trupat e tyre të pajetë u gjetën afër Matamoros, në Meksikë.
