Ditën e sotme një 37-vjeçar nga qyteti i Maliqit është arrestuar nga Policia, pasi akuzohet se ka ngacmuar seksualisht vajzën e tij 18 vjeçe.
Sipas njoftimit të Policisë, mësohet se ka qenë vajza që e ka denoncuar babain e saj, pasi i ati e ka ngacmuar me fjalë banale, teksa bëhet me dije se 18-vjeçarja jetonte me gjyshërit, pasi prindërit e saj janë në prag divorci.
LEXO: Ngacmon seksualisht vajzën e tij, arrestohet 37-vjeçari nga Maliqi
Së fundmi, rreth kësaj ngjarjeje të rëndë ka folur edhe mamaja e vajzës, e cila në një intervistë për Report Tv, ka treguar detaje të reja.
Ajo ka treguar se si e ka mësuar ngjarjen, duke rrëfyer se vajza kishte shkuar të takonte të atin, por ai i kishte kërkuar të kryenin marrëdhënie seksuale.
“ Dje ka ndodhur dicka që më ka prekur jashtë mase. Vajzën e kam 18 vjeç. Ka vajtur tek i ati për të ndenjur, për ta takuar. Nuk më ka ardhur mirë. Të nesërmen më ka marrë një shoqe e çupës dhe më ka thënë që është me mua, sepse i atij këtu, këtu…”, më tregoi të tërë historinë, që i ati i kishte thënë gocës. Erdha në shtëpi, fola me vajzën, m’i tregoi të gjitha gjërat, madje e kishte marrë dhe në incizim. Kishte ikur nga shtëpia, duke e gënjyer që po shkonte në punë. E çuam menjëherë në polici, bëmë çfarë ishte për të bërë, thirrën dhe ish-tim shoq dhe i thanë ç’kishin për t’i thënë. Jam tronditur shumë nga kjo ngjarje. Vajza më tha që babi donte të bënte marrëdhënie me mua. Është një gjë shumë e rëndë.
Ndërsa thekson se ishte ndarë para një viti me të, e ëma kërkon të vihet drejtësi, pasi në të kundërt ajo kërcënon se do ta vrasë vetë.
“O të më vrasë o të më vrasë se frika është shumë e madhe për mua s’mund të lejoj të më vrasë fëmijën se nga ai çfarë nuk mund të presësh. Kohët e fundit ai është treguar më i afërt me vajzën, por mendoja që e ka fëmijë”, ka thënë nëna e vajzës.
Ajo ka thënë se ai ka përdorur dhunë ndaj saj e prandaj ishte divorcuar e kishte raste që dhunonte edhe fëmijët, teksa tregon se ai ka qenë i dënuar dy herë më parë dhe se në shumicën e rasteve ka qenë në burg, gjithashtu është edhe konsumues i hashashit.
“Kam 1 vit që jam larguar nga bashkëshorti, nuk kam kaluar mirë, kisha dhunë edhe në sy të fëmijëve jam dhunuar, kishte raste që godiste edhe fëmijët. Isha e qetë që të shpëtoja që të dilja. I kam regjistrimet i kam dërguar në polici, është diçka shumë e rëndë. Është dënuar dy herë, shumicën e kohës ai ka qenë në burg. Të jesh në atë situatë të tillë, me fëmijën e vet me gjakun e vet ka pasur guxim se ai ka qenë edhe nën efektin e hashashit se e konsumon vazhdimisht. Ajo i ka shkruar shoqes së vet për gjërat. Kërkoj që ai të marrë atë që meriton, frika është se nuk i dihet mund të më vrasë edhe vajzën, i druhem shumë. Nëse shteti nuk i jep masën atij njeriu mos me thënë plehrë, unë do t’ia jap vetë. Unë edhe mund ta qaja vajzën, sepse ai do ta përdhunonte e do ta vriste”, tha ajo.
Në shoqërinë shqiptare kjo temë mbetet shumë delikate, teksa edhe drejtësia duket e papërgatitur përballë pedofilisë.
Sipas medialook.al , të paktën 98 persona të cilët kanë kryer krime seksuale me të miturit kanë rifituar lirinë, por asnjë prej tyre nuk është identifikuar nga drejtësia si pedofilë e s’është trajtuar me mjekime përgjatë apo pas dënimit të kryer në dhjetë vitet e fundit, duke u kthyer sërish në një kërcënim për fëmijët përreth vendbanimeve të tyre në gjithë territorin e Shqipërisë.
Disa javë më parë një ngjarje e ngjashme bëri bujë, pasi një vajzë 17-vjeçare denoncoi se ishte abuzuar seksualisht që në moshën 9-vjeçare dhe ishte përdorur edhe nga prindërit e saj.
