Një ngjarje në Librazhd, ku vjehrri dhe vjehrra kapin “mat” nusen ndërkohë që ajo ishte duke tradhtuar burrin e saj që ndodhej në emigrim, ngjalli shumë polemika.
Vjehrri dhe vjehrra pasi dyshonin se nusja e djalit të tyre kishte një partner tjetër, u “siguruan” që jo vetëm ta kapnin në flagrancë, por të mblidhnin të gjithë fisin dhe të realizonin edhe video. Ndërkohë i ati i vajzës që ishte protagoniste e videos, ka folur për emisionin “Zemër e Hapur” në “News 24” duke treguar detaje të reja mbi ngjarjen. Ai ka treguar marrëdhenien e vajzës së tij me vjehrrit si dhe po ashtu ka folur edhe mbi gjendjen psikologjike dhe fizike të së resë.
Ndër të tjera ai thotë se punonjësit e policisë që e kanë për detyrë që t’i vinin në mbrojtje, janë tallur dhe kanë bërë humor me të.
Pse duhet ta kapnin mat?
Atë e dinin vetë atë. Ndoshta s’ju pëlqente nusja. Se di. Nuk i pëlqente më siç duket. Djali ishte në emigrim, më tepër ishte i lidhur me nënën. Dhe kështu ndodhi.
Kur erdhën më morën me makinë, më thanë; ça ka vajza, është sëmur apo ka vdekur? më tha xhaxhai i djalit se; do e marrësh vesh se ça ka ndodhur. Kush shkuam atje, më tha vjehrri; ‘që shiko ça ka bërë vajza jote’. E shoh vajzën të zhveshur, me një copë peshqir të mbuluar. Më ra të fikët. Atë e kishin rrethuar nja 10 veta, atë djalin. U mata ta godas. Vajzën e kanë ndarë veç. Punonjësit e policisë kanë bërë humor me të. Përse u akuzove i thoshin?! Bënin humor me vajzën time. Erdhi një makinë dhe e mori vajzën dhe dëshminë e bëri pa praninë time.
Ia keni prerë flokët vajzës?
Jo absolutisht. Vajzën kur e kam parë nga xhami i komisariatit, vajza shkulte flokët. Vajza ishte e tronditur. Nuk i flisja si fillim, i thash nënës; jepi bukë. U bë ça u bë tani e kemi vajzë. Kur plasën rrjetet sociale, kur u shpërndarë videot, aty mori përmasa të tjera ngjarja. Unë s’do e çoja atje vajzën. Do e çoja në Tiranë vajzën te doktori, pasi e kishin goditur edhe në kokë.
