Babai i Fatjon Bicit, i cili u vra më 16 maj 2023 në Gramsh, ka denoncuar sot se bashkëautorët e vrasjes janë liruar nga burgu.
Ai e cilëson këtë si një vrasje të dytë ndaj djalit të tij, këtë herë nga shteti.
Në një mesazh të tij publik, ai thekson se pas lirimit të dy të dyshuarve, të cilët janë vendosur në arrest shtëpie, ai është ndjerë i lënë pas dore nga shteti dhe institucionet, duke përmendur që çdo dyer që ka trokitur janë mbyllur për të.
“Unë kërkoj pavarësisht se mua ma vranë kriminelët më 14 maj 2023 djalin tani po ma vret për së dyti shteti. Unë e marr vesh se pardje kriminelët janë liruar nga burgu dhe djali im tretet në dhe, ku është shteti, ku është prokuroria, ku është gjykata dhe të gjithë insitucionet që bëjnë të tilla gjeste? Çdo zyrë ose çdo derë që trokas më mbyllet, shkoj në gjyq anullohet, kudo që paraqitem vetëm gënjeshtra”.
Fatjon Bici u vra tragjikisht në Gramsh, vetëm disa metra larg shkollës, kur katër të rinj të moshës 15-16 vjeçare i bënë pritë kushëririt të tij, me të cilin kishin pasur një konflikt në rrjete sociale.
Ata ishin të armatosur me thika dhe doreza, dhe gjatë përleshjes Fatjoni, i cili u përpoq të mbrojë kushëririn e tij, u vra me thikë.
