Të shtunën Azerbajxhani ka akuzuar Armeninë , pas sipas tij ushtria armene ka sulmuar me bomba ushtrinë e këtij shteti pranë enklavës së diskutueshme të Nagorno-Karabakh, për të cilën dy shtetet fqinje kanë qenë vazhdimisht në luftë për tre dekada. Njoftimin e tha Ministria e Jashtme e Azerbajxhanit, ku sqaroi se ka pasur një shkëmbim sulmesh me artilerie në zonat e Lachin dhe Kalbazar, në perëndim të enklavës. Ndërkohë Ministria e Mbrojtjes e Armenisë reagoi duke hedhur menjëherë poshtë akuzat se ka pasur të shtëna artilerie kundër pozicioneve ushtarake azere.
Konflikti mbi kontrollin e enklavës së Azerbajxhanit, i kontrolluar nga armenët që nga vitet 1990, pati sërish një përshkallëzim 2 vite më parë, në vjeshtën e vitit 2020, kur shpërtheu një luftë 44-ditore gjatë së cilës forcat azere morën kontrollin e disa sektorëve. Kujtojmë se konfliktet për territore janë shumë të hershme mes këtyre vendeve dhe kanë lënë pasoja ndër vite si në humbjen e jetëve , po ashtu në ekonominë e vendeve.
Të dy palët kanë rënë dakord të punojnë për një plan paqeje pas një marrëveshjeje armëpushimi të ndërmjetësuar nga Rusia, por Baku dhe Jerevani herë pas here akuzojnë njëri-tjetrin për shkelje të armëpushimit përgjatë kufirit.
Sekretari i Shtetit i SHBA, Anthony Blinken zhvilloi telefonata të veçanta me krerët e Armenisë dhe Azerbajxhanit në një përpjekje për të rritur rivendosjen e paqes.
