Redi Ramaj, avokati i familjes së 14-vjeçarit të vrarë, Martin Cani, shprehu shqetësimin për hetimin e ngjarjes së rëndë, duke e cilësuar atë si të mangët dhe problematik. Në një intervistë për emisionin *People*, ai ngriti dyshime se i mituri mund të mos jetë vrarë me thikën e gjetur nga policia.
Ngjarja e rëndë ndodhi më 18 nëntor, kur Martin Cani, vetëm 14 vjeç, u qëllua me thikë nga bashkëmoshatari i tij, M.P, para shkollës “Fan Noli”, ku të dy studionin.
Pas këtij incidenti tragjik, qytetarët organizuan sot protestën e tretë për kërkesa më të larta për siguri në shkolla, duke marshuar nga shkolla 9-vjeçare “Fan Noli” drejt Ministrisë së Arsimit.
“Arma është gjetur shumë me vonesë, është thënë që është gjetur një thikë që nuk e dimë nëse është ajo me të cilën është kryer vrasja. Një gjë dihet me siguri, që as viktima dhe as i plagosuri nuk kanë pasur armë të ftohta, të tjerët të përfshirë në konflikt kanë pasur. Pas 5 ditësh u diskutua a kushte armë, ku ishte hedhur, dhe nuk e dimë tani a është arma me të cilën është kryer vepra penale”, tha avokati.
