Policia e Tiranës ka dhënë më shumë detaje lidhur me vdekjen e avokatit Gjovalin Ulndreaj, i cili humbi ndjenjat gjatë një seance gjyqësore në Gjykatën e Apelit të Tiranës.
Sipas informacionit të policisë, ngjarja ka ndodhur më 28 janar, kur avokati ka humbur ndjenjat gjatë seancës dhe është dërguar menjëherë në spital.
Pavarësisht përpjekjeve të mjekëve, 59-vjeçari nuk ka mundur të mbijetojë dhe ka ndërruar jetë.
Nga hetimet e para dyshohet se vdekja ka qenë për shkak të arrestit kardio-respirator.
“Më datë 28.01.2025, në ambientet e Gjykatës së Apelit, Tiranë, gjatë një seance gjyqësore, ka humbur ndjenjat shtetasi Gj. U., 59 vjeç, avokati, i cili është dërguar në spital, por pavarërisht ndërhyrjes së mjekëve, ka humbur jetën. Nga veprimet e para hetimore dyshohet se vdekja është shkaktuar nga arresti kardio-respirator”, informon policia.
Avokati Gjovalin Ulndreaj deri në vitin 2003 ka ushtruar detyrën e oficerit të Policisë, ndërsa prej rreth 22 vitesh i shërbeu dhe sistemit të avokaturës i licensuar pranë Dhomës së Avokatisë Shkodër. Më 2020, Gjovalin Ulndreaj kandidoi për të drejtuar Byronë Kombëtare të Hetimit, përkrah Ibrahim Dishës, Artan Shkëmbit, Adriatik Agos dhe Sabri Hoxhës.
