Mbrëmjen së shtunës është rrëzuar një avion në zonën ”Filipus” në afërsi të Kavallës në Greqinë veriore Bëhet me dije se avioni i tipit Cargo me katër motorrë ishte nisur nga Serbia për Jordani me municione.
Në avion ndodheshin 8 persona,mes tyre ekuipazhi dhe ekspertët e dorëzimit të materialeve ushtarake.
Ndërkohë që ditën e sotme, trupat e pajetë e tetë anëtarëve të ekuipazhit të avionit ukrainas të mallrave janë nxjerrë nga vendi i ngjarjes.
Në spitalin në Komotini ekspertët kanë ekzaminuar trupat e pajetë të anëtarëve të ekuipazhit. Më pas, trupat iu dorëzuan përfaqësuesve diplomatikë të Ukrainës në Greqi.
Shkaku i rrëzimit të avionit ende nuk dihet.
Zëdhënësi i zjarrfikësve, Janis Artofios më herët deklaroi se gjatë hetimit të kryer në vendin e rrëzimit të avionit nuk janë gjetur materiale të rrezikshme.
Ekipet e dominimit po vazhdojnë që të lokalizojnë municionin që është shpërndarë pranë vendit të rrëzimit të avionit.
Sipas raportimeve, piloti i avionit kishte informuar autoritetet se kishte problem në njërin prej motorëve të avionit dhe atij iu kërkua që të ateronte në aeroportin e Selanikut apo atë të Kavallës.
Pasi u nis në drejtim të Kavallës, avioni u rrëzua rreth 40 kilometra në perëndim të aeroportit, tha Autoriteti i Aviacionit Civil të Greqisë.
