Sot do të zhvillohet fluturimi i parë në aeroportin “Zayed”, Flatrat e Veriut” në Kukës. Kryeministri Edi Rama do të niset nga Aeroporti “Nënë Tereza” drejt aeroportit Ndërkombëtar “Zayed – Flatrat e Veriut”, me pasagjerët VIP, “çunat nga Londra”.
Ndërkohë në Kukës qindra qytetarë janë organizuar në pritje të fluturimit të parë në këtë aeroport. Rreth orës 15:00, në aeroportin “Nënë Tereza” mbërriti avioni me qytetarë shqiptarë nga Anglia.
Kryeministri Edi Rama, sëbashku me ministren e Infrastrukturës Belinda Balluku kanë hipur në avion, për të sjellë emigrantët e mbërritur nga Londra në aeroportin e Kukësit.
Pjesë nga biseda:
Djali: Na solle nga Londra na solle
Edi Rama: Ju solla pra ju solla…. Mos rrini afër se i keni vendet e ndara
(të qeshura në avion)
Edi Rama: Ti që e nxjerr kokën andej, hajde pra tek rreshti që është bosh se prandaj jua kemi bërë kështu.
Në orën 15:45, Aeroporti “Zayed, Flatrat e Veriut” në Kukës, priti avionin e parë. “Rama erdhi” është thirrur nga të pranishmit, momentin që avioni mbërriti në pistë. Fillimisht avioni nga Londra u ul në aeroportin “Nënë Tereza” në Rinas për tu nisur më pas drejt Kukësit.
Kryeministri Edi Rama shoqëruar nga ministrja e Infrastrukturës dhe Energjetikës Belinda Balluku, priti emigrantët shqiptarë me të cilët udhëtoi drejt Kukësit.
