Gazetari opozitar rus, Roman Protasevish ka folur sërish para mediave ditën e sotme që kur u arrestua pasi avionic ku ai udhëtonte u ndalua në Minsk pas një alarmi të rremë për bombë.
Roman Protasevich tashmë është shfaqur në dy video të diskutueshme në të cilat ai rrëfeu për krime të pretenduara – rrëfime të hedhura poshtë nga opozita dhe familja e tij si të bëra me detyrim.
Në konferencën e sotme për shtyp, e cila u organizua nga ministria e jashtme, aktivisti 26-vjeçar tha se ishte mirë me shëndet. Ai gjithashtu tha se nuk kishte pësuar ndonjë keqtrajtim në burg që nga arrestimi i më 23 maj.
Protasevich u ul së bashku me katër zyrtarë, dy prej të cilëve ishin me uniformë. “Çdo gjë është në rregull me mua. Askush nuk më rrahu, askush nuk më preku,” tha ai.
“Unë e kuptoj dëmin që i kam shkaktuar jo vetëm shtetit, por edhe vendit. Tani dua të bëj gjithçka që kam në dorë për të ndrequr këtë situate”, tha aktivisti.
“Mos u shqetësoni për atë që thotë ai. Të mos harrojmë, ai është një peng. Kjo nuk është një konferencë shtypi por një skenë nga Kafka ose Orëell”, tha në Twitter, Franak Viacorka, një këshilltar i udhëheqësit të opozitës në mërgim Svetlana Tikhanovskaya
Nga ana tjetër gazetari i BBC Jonah Fisher zbuloi, në një postim në Twitter, se ai ishte larguar nga konferenca për shtyp.
