Gazetarja Anila Hoxha ka zbuluar detaje mbi ngjarjen e rëndë në Tiranë, ku një 14-vjeçar humbi jetën pasi u qëllua me thikë gjatë një sherri, ndërsa një tjetër mbeti i plagosur.
Policia ende nuk ka identifikuar personin që e qëlloi për vdekje viktimën, dhe arma e krimit nuk është gjetur.
Hetuesit dyshojnë se autori mund të jetë Marjusi, një tjetër 14-vjeçar i përfshirë në konflikt, i cili gjithashtu është plagosur.
Kjo hipotezë pritet të konfirmohet pas marrjes së dëshmive të të mbijetuarve.Sipas Hoxhës, shkaqet e konfliktit janë ende të paqarta.
Ndërsa një version lidhet me sherret në rrjetet sociale, gazetarja mendon se gjithçka nisi me nga një hedhje fjalësh mes të rinjve. Grindja eskaloi pasi secili prej tyre thirri shokët e vet, duke përfunduar tragjikisht.
