Aredjo Buzi nga Fieri, 30-vjeç ka rënë në prangat e policisë greke, pasi ishte shpallur në kërkim nga autoritetet austriake. Buzi është ndaluar nga efektivët në rrugën “28 Tetori” në Janinë. Ai rezulton person i shpallur në kërkim me urdhër evropian arresti nga Austria, prej 07 prillit 2017.
Buzi akuzohet për veprat penale “pjesëmarrje në organizatë kriminale” dhe “pastrim i produkteve të veprës penale”, të cilat sipas Kodit Penal të Austrisë dënohen me burgim deri në 3 vjet. Për 30-vjeçarin, autoritetet greke kanë nisur procedurat e ekstradimit të tij drejt Austrisë. /TCH
