Me 12 mars, kryeqyteti u trondit nga një atenat në “Don Bosko” ku mbeti viktimë banakierja e lokalit që u shënjestrua dhe u plagosën 6 persona të tjerë. Ndërkohë që janë zbardhur detaje të reja që lidhen me qëlliin e autorëve, ku në fokus ishte Fatjon Murati.
Mësohet se familjarët e Muratit ishin në të vërtetë shënjestra e autorëve, plumbat e të cilëve kapën aksidentalisht banakieren e lokalit, Mimoza Pajën.
Sipas po te njëjtave burime ngjarja e rëndë në kryeyqtet lidhet me një sërë vrasjesh zinxhir të kryera për shkak të konflikteve të disa grupeve rivale. Gjithashtu referuar të dhënave që hetuesit kanë marrë në rrugë operative për këtë ngjarje mësohet se objekt i sulmit drejt lokalit në pronësi të vëllezërve Fation, Ylli dhe Ervis Murati, motivi ka qenë hakmarrja, në vazhdën e ngjarjeve kriminale, të ndodhura së fundmi në qytetet e Tiranës, Lezhës, e Laçit.
Kujtojmë që ngjarja që tronditi zonën ndodhi rreth orës 21:05, në rrugën “Ananstas Shundi”, në lokalin në pronësi të Fatjon Muratit, person me precedent të theksuar kriminal.
Ndërkohë që viktimë plotësishte pafajshme ishte banakierja e lokalit, Mimoza Paja, 58 vjeçe është qëlluar për vdekje, ndërsa janë plagosur Sahit Murati, Astrit Meraj, Emanuel Sala, Ermir Bejuku dhe Genc Shohalli.
