Një vrasje ka ndodhur mbrëmjen e djeshme në Vlorë. 41-vjeçari, i identifikuar si Laert Keka, i cili rezulton me gjeneralitet të ndryshuar (Leartiad Lekaj) u ekzelutua me breshëri kallashnikovi pranë kishës Ortodokse. Pas ngjarkes në aksin ‘Kotë –Sevaster’, është gjetur 1 mjet tip ‘Audi’ duke u djegur, bashkë me një kallashnikov brenda, ndërsa dyshohet se vrasja mund të jetë kryer për motive hakmarrjeje.
Shënjestra ka qenë duke udhëtuar me motor, kur është qëlluar me armë zjarri nga një person i maskuar. Nga hetimet, rezulton se autori i maskuar ka zbritur nga një makinë ‘Audi A6’ me ngjyrë të errët me targa italiane dhe ka qëlluar në drejtim të 41-vjeçarit. Sakaq, mbi 28 gëzhoja u gjendën në vendngjarje.
