Detaje të reja janë zbuluar nga atentati i mbrëmjes së të mërkurës në Vlorë, ku dy persona mbetën të plagosur. Kejvi Hajrulla, që ishte edhe shënjestra kryesore e atentatit, u transportua urgjentisht drejt Tiranës rreth orës 2:00 të natës për trajtim mjekësor të specializuar.
Aktualisht, parametrat e tij jetësorë janë stabilizuar, megjithatë ka pësuar dëmtime të rënda në zorrë.
I plagosuri tjetër, 35-vjeçari me inicialet A. S., është në gjendje stabile dhe koshient, që prej natës së djeshme.
Policia ka nisur hetimet dhe është duke analizuar kamerat filmike të sekuestruara në zonë. Në automjetin e djegur, ku ndodhi atentati, janë gjetur gjithashtu dy armë automatike. Për këtë ngjarje, janë shoqëruar disa persona, kryesisht në cilësinë e dëshmitarëve.
