Pasditja e kësaj të shtunë është gjakosur në Tiranë, pasi në zonën e Astirit janë qëlluar për vdekje 2 persona brenda një makine tip audi i cili ishte në lëvizje.
Dy viktimat e atentatit të mbrëmjes së sotme në zonën e Astirit janë identiifikuar si Erigers Mihasi dhe Armando Dumani.
Të tjera detaje tronditëse nga ngjarja e rëndë e mbrëmjes së sotme në Tiranë. Mësohet se mamaja e 32-vjeçarit Erigers Mihasi e ka mësuar në një market dhe ka bërtitur e më pas i ka rënë të fikës. Mihasi ishte baba i 3 fëmijëve.
Sipas njoftimit të policisë së shtetit, nuk është bërë ende e ditur identifikimi apo mosha e dy viktimave ndërkohë që janë ngritur forca të shumta policore në hyrje dhe dalje të kryeqytetit. Ndërkohë janë ngritur disa pika kontrolli në hyrje dhe dalje të qytetit të Tiranës.
Grupi hetimor nën drejtimin e Prokurorisë punon për sqarimin e plotë e rrethanave të ngjarjes dhe grumbullimin e çdo prove që do çojë në identifikimin dhe kapjen e autorit/ve
Erigersi ka qenë duke drejtuar mjetin tip “Audi” në momentin që është qëlluar nga një tjetër mjet në lëvizje. Mihasi është një nga njerëzit më të besuar të biznesmenit të lojërave të fatit Vis Martinaj, dhe ka precedentë të mëparshëm penal.
Ai ka qenë i dyshuar për grabitjen e dhunshme të prindërve të Elton Çiços (i ekzekutuar në Tiranë disa vite më parë) në një fshat të Tepelenës, por që u lirua nga qelia 6 muaj pas ndalimit.
