Mbrëmjen e djeshme një atentat me pasojë vdekjen e një 37-vjeçari ka ndodhur në një rrugë dytësore Tiranë-Durërs.
Iliaz Çali, 37 vjeç, ka mbetur viktimë mbrëmjen e së dielës si pasojë e atentatit.
Trupi i pajetë i të riut është gjetur në mes të rrugës dhe paraprakisht, policia ka dyshuar se ai kishte pësuar aksident. Dyshimet e policisë se ndaj 37-vjeçarit ishte bërë atentat u shtuan kur evidentuar shenjat e plumbave që janë evidentuar në mjetin “Land Rover” të viktimës dhe gëzhojat e shpërndara në tokë
Theksojmë se paraprakisht dyshohet se ndaj tij është qëlluar nga rreth 100 metra me breshëri plumbash, ndërkohë që Çali ishte duke udhëtuar vetëm. Teksa është kthyer në shënjestër të plumbave, Çali ka devijuar duke u përplasur me bordurën. Në xhamin e parë të makinës me të cilën ai po udhëtonte janë gjetur 4 plumbave, ndërkohë ka edhe shumë të tjera në pjesën e djathtë.
Ngjarja ndodhi përballë DHL-së, pranë mbikalimit të Rinasit.
“Në rrethana ende të paqarta, është qëlluar me armë zjarri drejt një automjeti tip “Land Rover” dhe si pasojë ka ndërruar jetë drejtuesi i mjetit”, njofton policia.
Makina nuk ishte në pronësi të Calit, por ishte e marrë me qira. Autorët janë larguar menjëherë nga vendngjarja dhe ende nuk ka njoftim nga policia nëse janë identifikuar apo nëse ka të dyshuar si autor/ë të atentatit.
