Mbrëmjen e djeshme pedonalja e qytetit të Lushnjes u trondit nga një ngjarje e rëndë, ku një persona u vra dhe pesë të tjerë u plagosën rëndë. Mësohet se persona të armatosur , hapën zjarr në drejtim të lokalit të 34-vjeçarit që mbeti i vrarë, Bledar Muçaj.
Midis personave që mbetën të plagosur ishte edhe një 24-vjeçare, Eriksara Liçi. 24-vjeçarja ka reaguar së fundmi me anë të një postimi në rrjetet sociale, ku ka treguar edhe detaje nga ngjarja e rëndë.
“Kam parë vdekjen me sy, Zoti më dha një mundësi të dytë. Faleminderit Ledi, Eni dhe një person që më çoi në spital. Shërim sa më të shpejtë të gjithëve si puna ime”, shkruan Eriksara.
Kujtojmë se e reja është ndodhur rastësisht në lokal në momentin që është hapur zjarr dhe nuk ka arritur t’i shpëtoi plumbave që shënjestër kishin Bledar Muçajn. 34-vjeçari baba i 2 fëmijëve, nuk njihej si një person problematik apo me të kaluar kriminale. Pista e parë hetimore e këtij atentati është lidhja fisnore që ka Muça me Roland Shytin, anëtarin e bandës “Hakmarrje për Drejtësi”.
Muça rezulton i martuar me mbesën e Shytit dhe përveç kësaj lidhje fisnore kanë dhe lidhje të forta miqësie. Nuk përjashtohet edhe një pistë tjetër e cila i përket konflikteve për bizneset, por kjo e fundit pritet të verifikohet.
