Hetimet për atentatin e 17 prillit në zonën e Lundrës, ku mbetën të plagosur katër persona, kanë avancuar pas zbulimit të të dhënave të rëndësishme në mbetjet e një motori të djegur në fshatin Fikas, Mullet.
Burime pranë hetuesve bëjnë me dije se nga analiza e mbetjeve është identifikuar numri i shasisë së motorit. Për këtë arsye, policia i është drejtuar zyrtarisht kompanisë “Yamaha”, duke kërkuar informacion mbi pronësinë dhe historikun e shitjes së motorit në fjalë.
Paralelisht, janë duke u analizuar edhe gjurmë të ADN-së të gjetura në objekte pranë vendit të ngjarjes, të cilat dyshohet se i përkasin autorëve të atentatit.
