Një ngjarje e rëndë ndodhi mbrëmjen e djeshme në qytetin e Fierit në vendin e quajtur rrethrrotullimi i QTU-së, ku mbeti i vdekur 57-vjeçari Demir Backa. Mësohet se në vendin e quajtur Daullas në Bay-pass, është gjetur një makinë e djegur. Mjeti është gjetur pak orë pas atentatit që u bë ndaj Demir Backës në Fier.
Bëhet me dije se mjeti është i tipit “C Class” me portobagazh, gjithashtu policia në të ka gjetur edhe dy armë që dyshohet se janë përdorur në krim, një kallashnikov dhe një pistoletë, të cilat janë çuar në laborator për ekzaminim.
Autorët ende nuk janë identifikuar nga policia, por nga hetimet që janë bërë deri më tani, dyshohet se atentati është kryer për hakmarrje.
Po ashtu nga këqyrja e kamerave të sigurisë në ambientet që janë përreth rezulton se në atentat kanëmarrë pjesë dy persona. Viktima, Demir Backa është vëllai i ish-anëtarit të bandës së Fierit, Medi Backës, i cili është vrarë në 1997-ën. Policia është përqëndruar në të shkuarën e Demir Backës dhe rezulton se disa muaj më parë ai ka prishur ekuilibrat dhe ka pasur një konflikt me një person me influence në Fier, i cili ishte subjekt i OFL.
Sjellim në vëmendej se ngjarja e rëndë ndodhi rreth orës 20:40 mbrëmjen e djeshme në vendin e njohur si rrotullimi i një qendre tregtare në Fier, kur 57-vjeçari Demir Backa sapo po hipte në automjetin e tij tip Audi. Gëzhojat e kallashnikovit u shpërndanë kudo ndërsa Backa menjëherë u transportua për në spitalin e Fierit, por nuk mundi dot të mbijetonte.
