Para dy ditësh, persona të paidentifikuar ende, zbrazën karikatorin drejt 5 personave në një lokal në zonën e “Don Boskos” në Tiranë.
Viktimë e atentatit mbeti 35-vjeçari Erion Çela, ndërsa u plagosën 4 të tjerë, konkretisht Blerim Çela 28 vjeç i dëmtuar në këmbën e djathtë dhe fytyrë, vëllai i viktimës, Arben Dani 46 vjeç i dëmtuar në këmbë, Azbi Selimaj 19 vjeç i dëmtuar në shpatull, Edmond Crroj 41 vjeç i plagosur në bark dhe këmbë.
Mësohet se shkak i vrasjes së viktimës Erion Çela dhe plagosjes së katër personave të tjerë, të ketë ndodhur për shkak të prishjes së pazareve të drogës. Ndërkohë sipas grupit të hetimit shënjestër e atentatit, dyshohet të jetë 41-vjeçari i plagosur Crroj dhe kjo për shkak të problemeve të mëhershme që ka pasur me drejtësinë.
Ai dyshohet të ketë qenë i skeduar në Itali, Francë e Zvicër. Gjithashtu edhe Urim Crroji (Andi Duka) i vëllai Edmond Crroi ka bërë burg për shitje narkotikësh në Itali dhe në Francë për trafikim të qenieve njerëzore.
Në dëshminë e tij ai ka treguar se Erioni i cili mbeti i vrarë dhe Blerimi i cili u plagos rëndë janë marrë me tregtim të lëndëve narkotike në Itali. Ndërkohë lidhur me ngjarjen ka reaguar Arben Dani i cili mbeti i plagosur nê lokal. Në dëshminë e tij, Dani tregon se ka qenë në një tavolinë tjetër kur aty ka mbërritur Edmond Crroj.
Arben Dani:
30 minuta mbasi mbërriti Edmondi dëgjuam krisma dhe pashë që u plagosa në këmbë.
