Me datë 17 korrik, Fushë-Kruja u trondit nga një atentat me armë zjarri, ku mbetën të plagosur 3 persona. Objektiv i atentatit ka qenë Brilant Martinaj, kushëriri i parë i Ervis Martinajt. Ndërkohë që së fundmi janë zbuluar edhe pamje të mjetit me të cilin kanë lëvizur atentatorët.
Makina është e tipit “Passsat”, ndërkohë që nga analizimi i pamjeve filmike të sekuestruara nga policia kriminale, dyshohet se me këtë mjet kanë lëvizur 4 personat që kanë marrë pjesë në atentat. Mjeti rezulton të ketë hyrë nga Kosova dhe targat që mbante, “AA 156 OR” i përkasin një makine tip “Daimler Chraisler” në emër të shtetasit me inicialet, A.L.. Këto targa janë denoncuar si të vjedhura një vit më parë në Drejtorinë e Tiranës.
Kujtojmë që automjeti i autorëve i ka prerë rrugën mjetit ku ndodhej Martinaj dhe më pas dy qitës kanë qëlluar mbi ta, ndërsa arma e tretë e gjetur në makinën e djegur nuk është përdorur. Sa i përket Arbër Hoxhës, ai po drejtonte mjetin ndërsa Martinaj gjendej në vendin e parë të pasagjerit. Besmir Hoxha konsiderohej si një prej miqve më të mirë të Brilant Martinaj, i cili nuk lëvizte asnjëherë i vetëm por vetëm me njerëz të njohur.
Në sediljet e pasme ka qenë i ulur Diklen Vataj, një person i skeduar në vitin 2017 për shitje të kokainës dhe që tentoi t’i shpëtonte atentatit duke dalë nga mjeti, por autorët u nuk e lanë të gjallë pasi iu afruan dhe qëlluan disa herë mbi të.
