Ekzekutohet me armë zjarri në qytetin e Shkodrës Ismet Çekorja, babai i Bajram Çekores, i shapllur në kërkim për atentatin e dështuar ndaj Alban Bruçit. Atantati ndaj 58-vjeçrit ndodhi pranë banesës së tij në lagjen Kiras të Shkodrës, ndërsa autorët janë larguar nga vendi i ngjarjes menjëherë pas atentatit të rëndë. Në datën 29 gusht, Ismet Çekorja doli në një deklaratë për mediat, ku mohonte lidhjet e djalit të tij me atentatin që iu bë në datën 25 gusht Alban Bruçit.
Pak metra larg banesës së tij, ekzekutohet me breshëri plumbash 58-vjeçari Ismet Çekorja. Ngjaraj kriminale ndodhi në lagjen “Kiras” të Shkodrës, ku burime bëjnë të ditur se Çekorja kishte dalë për të shkuar në një market në lagje.
Sapo ka dalë nga shtëpia, persona të armatosur kanë hapur zjarr ndaj tij. Ismet Çekorja i ka identifikuar dhe është munduar të largohet, por nuk u ka shpëtuar plumbave. Ai ka mbetur i plagosur dhe është dërguar në spital, por pa mundur t`u mbijetojë plagëve të marra.
Policia lokale e Shkodrës ka ngritur grupe kontrolli në rrugët e qytetit të Shkodrës, me qëllim identifikimin dhe kapjen e autorëve të ngjarjes së rëndë. Gjithashtu një grup hetimor po mbledh provat duke kqyrur dhe kamerat e sigurisë në vendin ku ndodhi atentati, të cilat pritet të ndihmojnë hetuesit për zbardhjen e ngjarjes.
Po kush është Ismet Çekorja?
58 vjeçari që u ekzekutua të premten pasdite në Shkodër, është babai i Bajram Çekores, njërit prej personave të shpallur në kërkim nga policia lokale si autor i dyshuar i atentatit të dështuar ndaj Albana Bruçit, ngjarje e cila ndodhi në 25 gusht të këtij viti.d
Në datën 29 gusht, Ismet Çekorja doli në një deklaratë për mediat, ku mohonte lidhjet e djalit të tij me atentatin që iu bë në datën 25 gusht Alban Bruçit. Gjatë denoncimit në media, Ismet Çekorja deklaroi se sa herë në Shkodër ndodhin ngjarje kriminale, ai dhe familja e tij kontrollohen nga policia.
Çekorja akuzoi grupe kriminale dhe policinë lokale se duan që djalin e tij, i dyshuar për atentatin e 25 gushtit ndaj Alban Bruçit, duan ta fusin në burg.