Bujar Lika ( Hasani) dhe Paulin Gjergji ( Markaj) ishin dy persona të njohur në botën e biznesit, të cilët humbën jetën disa ditë më parë nga një atentat i dyfishtë në Laç.
Një tjetër person ka mbetur i plagosur dhe është shtetasi 21-vjeçar, Kreshnik Tusha.
Ky i fundit dyshohet se është njëri nga autorët e ngjarjes së rëndë.
Gjykata e Kurbinit ka vendosur “arrest me burg” për 21-vjeçarin Kreshnik Tusha, ndërsa masa i është komunikuar në Spitalin e Traumës në Tiranë.
Tusha ka mohuar të ketë lidhje për ngjarjen kurse Prokuroria e akuzon si një nga 4 autorët e veshur si policë që ekzekutoi në Laç Bujar Likën, mikun e Ervis Martinajt dhe Paulin Markun.
Tusha mbahet në masa të rrepta sigurie në spital.
