Mesditën e djeshme në zonën në plazhit në Durrës ka dështuar një atentat me snajper.
Mësohet se shënjestra e atenatit në distancë ka qenë Akil Nerjaku.
Ndërkohë që Policia e Durrësit ka dalë me një njoftim zyrtar sa i takon atentatit të dështuar të ndodhur mesditën e djeshme në lagjen e plazhit. Reagimi ka ardhur vetëm pasi rasti u bë publik në media.
Bie në sy fakti që policia nuk ka përmendur shënjestrën e këtij atentati i cili ishe Akil Nerjaku. Por është mjaftuar me përmendjen e plumbit që ka goditur një prej makinave të parkuara që mësohet të jetë në pronësi të shtetasit B.A, 52 vjeç banues në Maqedoninë e Veriut.
Njoftimi i Plotë:
Durrës
Më datë 12.09.2022, rreth orës 12:00, në lagjen nr. 13, Durrës, në rrugën “Pavarësia”, është qëlluar një herë, me armë zjarri, në drejtim të një automjeti të parkuar, në pronësi të shtetasit B. A., 52 vjeç, banues në Maqedoninë e Veriut.
Si rezultat i veprimeve të shpejta hetimore dhe profesionale është bërë i mundur identifikimi i automjetit me të cilin ka lëvizur personi që ka qëlluar në drejtim të automjetit të parkuar.
Vijon puna intensive për kapjen e autorit. Për arsye hetimi, nuk bëjmë me dije të dhëna të tjera.
Theksojmë se në momentin e të shtënës me armë, në automjet nuk ka qenë asnjë person.
Grupi hetimor, nën drejtimin e Prokurorisë pranë Gjykatës së Rrethit Gjyqësor Durrës, vijon punën për zbardhjen dhe dokumentimin e plotë të rrethanave të ngjarjes.
Burime të Fax Neës bënë me dije se për atentatin e dështuar nëDurrës u përdor snajper, i cili famtmirësisht nuk arriti të kapte shënjestrën “Akil Nerjaku” i cili është një emër i njohur për policinë.
Në njoftim thuhet gjithashtu se policia nuk mund të japë detaje të reja lidhur me ngjarjen për shkak të hetimeve që po kryhen.
