Një 27-vjeçar është ekzekutuar me armë zjarri mbrëmjen e sotme në zonën e Dukatit të Vlorës.
Bëhet me dije se viktima është identifikuar si Benjamin Bezhani. Ndërkohë sipas informacioneve ngjarja ka ndodhur rreth orës 21:00.
Paraprakisht mësohet se i riu ka qenë në burg në Itali disa vite më parë dhe policia është duke hetuar mbi këtë pistë.
Si u njoftua policia?
Në njoftimin për mediat, policia e Vlorës thotë se rreth orës 21:00, në sallën operative ka ardhur një telefonatë nga një qytetar se në Fushë- Dukat, Orikum një automjet ka ndaluar në rrugë dhe brenda tij ka një person të pa jetë.
Pasi shkuan në vendin e ngjarjes, efektivët konstatuan se viktima ishte Beniamin Bezhani. Ai ishte ekzekutuar me armë zjarri.
Shërbimet e Drejtorisë Vendore të Policisë Vlorë dhe të Stacionit të Policisë Orikum kanë ngritur pika kontrolli dhe po kontrollojnë zonën për shoqërimin e personave të dyshuar si autorë të ngjarjes apo që mund të kenë dijeni për ngjarjen.
Njoftimi i Policisë Vlorë:
Më datë 01.12.2020, rreth orës 21:00, në Sallën Operative Vlorë ka ardhur një telefonatë nga një qytetar se në Fushë- Dukat, Orikum një automjet ka ndaluar në rrugë dhe brenda tij ka një person të pa jetë.
Menjëherë kanë shkuar shërbimet e Policisë dhe kanë konstatuar të pajetë shtetasin B. B., rreth 27 vjeç, dyshohet ka humbur jetën nga përdorimi i armës së zjarrit.
Shërbimet e Drejtorisë Vendore të Policisë Vlorë dhe të Stacionit të Policisë Orikum kanë ngritur pika kontrolli dhe po kontrollojnë zonën për shoqërimin e personave të dyshuar si autorë të ngjarjes apo që mund të kenë dijeni për ngjarjen.
Grupi hetimor nën drejtimin e Prokurorisë po vijon punën për sqarimin e rrethanave të ngjarjes, me qëllim identifikimin dhe kapjen e autorëve./GazetaReforma.com/
