Një ngjarje e rëndë ka dnodhur ditën e sotme te nënkalimi i Liqenit të Thatë. Një person ka hapur zjarr me armë ndaj një makinë.
Burime zyrtare nga policia bënë me dije se u qëllua në drejtim të mjetit me drejtues shtetasin me inicialet L. M., 63 vjeç.
Bëhet fjalë për Lulezim Masha, 63 vjeç, administrator i shkollës Willson, i cili udhëtonte i vetëm. Dyshohet se një person i paidentifikuar, i cili është larguar në këmbë, ka qëlluar me armë zjarri pistoletë, në drejtim të mjetit tip Benz ku udhëtonte Masha. Fatmirësisht nga të shtënat me armë ‘objektivi’ nuk është lënduar, madje as qytetarët përreth.
“Më datë 18.01.2022, te nënkalimi te Liqeni i Thatë, nga një person ende i paidentifikuar, dyshohet se është qëlluar me armë zjarri në drejtim të mjetit me drejtues shtetasin L. M., 63 vjeç.
Si pasojë e të shtënave, nuk ka persona të lënduar.Shërbimet e Policisë kanë shkuar menjëherë në vendngjarje, janë ngritur pika kontrolli në të gjitha pikat hyrëse-dalëse të Tiranës me qëllim kapjen e autorit.Ndërkohë, grupi hetimor ndodhet në vendngjarje dhe është duke sekuestruar çdo provë të mundshme materiale që do të shërbejë për identifikimin e autorit të ngjarjes”, thuhej në njoftimin e Policisë së Shtetit mënjëherë pas ndodhisë së ngjarjes, atentatit ndaj administratorit së shkollës “Willson”.
