Pasditen e sotme një atentat me pasojë 3 viktima ka ndodhur në Fushë-Krujë.
Mësohet se viktimat janë shoferi dhe dy pasagjerët. Sipas informacioneve paraprake, pasagjeri i ulur pas ka dalë nga mjeti kur ai është qëlluar dhe ka tentuar të largohet me vrap. Por autorët janë kthyer dhe e kanë qëlluar dhe atë.
Makina e viktimave lëvizte në Drejtim të Mamurrasit apo Kurbinit dhe makina e autorëve ka lëvizur paralel me ta për disa metra, duke qëlluar me breshëri automatiku, raporton Ballkan Web.
Më pas janë larguar, por sapo pasagjeri që ndodhej pas në makinën shënjestër ka dalë nga mjeti, ata janë kthyer pas dhe e kanë ekzekutuar. Pikërisht ky person është ai i identifikuar me inicialet B.V., nga Fushë-Kuqja.
Viktima e gjetur jashtë makinës është Diklen Vata, ndersa dy të tjerët janë shkrumbuar dhe nuk mund të identifikohem.
Ai ishte nga Laçi dhe është arrestuar më parë për shpërndarje kokaine në Tiranë. Në mbikalimin e Fushë Krujës, është qëlluar me armë zjarri në drejtim të një mjeti, dhe për pasojë mjeti ka marrë flakë dhe tre persona kanë vdekur.
Makina është shkrumbuar e gjitha me gjithë dokumentet që mbanin viktimat dhe ato të mjetit, çka ka bërë të pamundur identifikimin për momentin.
Ndërkohë që shpresa e vetme për zbulimin e identiteteve është viktima që ndodhet jashtë makinës, i cili ka tentuar të largohet kur mjeti është qëlluar me automatik, por vrasësit janë kthyer pas dhe e kanë qëlluar sërish.
