Një ngjarje ende e paqartë ka ndodhur mbrëmjen e djeshme në Shkodër, ku dyshohet për një tentativë atentati me armë zjarri.
Sipas njoftimit zyrtar të Policisë së Shkodrës, shtetasi S.K. ka raportuar në Sallën Operative se në zonën e quajtur Stom Golem ka dëgjuar të shtëna armësh.
Policia bën me dije se S.K. dyshon se është qëlluar drejt automjetit të tij.
Grupi hetimor, në bashkëpunim me Prokurorinë, po vijon punën për të zbardhur rrethanat dhe për të dokumentuar ngjarjen në mënyrë ligjore.
