Ish-ylli i Francës, Thierry Henry, tha të martën në Lisbonë se ai planifikoi të luftonte ngacmimet në internet dhe të ushtronte presionin ndaj kompanive të mediave sociale në aleancë me një OJQ dhe sponsorin e tij Puma.
“Ne kemi nevojë për ndihmë”, tha Henry në konferencën e teknologjisë Web Summit në Lisbonë. “Ne të gjithë jemi prekur ngakjo gjë.”
Në mars, Henry, aktualisht ndihmës trajner i kombëtares belge, mbylli llogaritë e tij në rrjetet sociale.
“Unë si individ jam mirë pa rrjetet sociale”, tha ai, teksa njoftoi fushatën me prodhuesin e veshjeve sportive Puma dhe fondacionin “Game of Our Lives”.
“Ne kemi nevojë për ndihmë nga njerëzit në pozita më të larta”, shtoi ai, duke thënë se dëshiron që kompanitë e mediave sociale të mbajnë përgjegjësi.
“Ne duhet të bashkohemi për t’u siguruar që ata njerëz ndoshta të bëjnë një ligj që do t’i bëjë ato platforma më të përgjegjshme”, tha ish-Kampioni i Botës
“Unë nuk mendoj se ata po nuk bëjnë asgjë afër asaj që kërkohet që ne të ndihemi të sigurt në këto platforma. Ata nuk po përpiqen të ndryshojnë asgjë”, u shpreh ish-lojtari i Barcelonës dhe Arsenalit.
Në prill, klubet e futbollit, lojtarët, organet sportive, kryesisht angleze, si dhe Princi Ëilliam i Britanisë, organizuan një bojkot tre-ditor të mediave sociale që synonte të trajtonte abuzimin në internet duke përfshirë racizmin.
Pavarësisht këtij veprimi dhe tërheqjes së Henrit nga mediat sociale, drejtori i marketingut të Puma, Adam Petrick, duke qëndruar përkrah ish-fituesit të Kupës së Botës, tha se kompania e tij nuk po konsideronte të njëjtën strategji.
“Bojkotimi nuk është për ne një opsion i mundshëm,” tha ai. “Platformat duhet të jenë partnerët tanë për të pasur një bisedë kuptimplotë rreth ndërmarrjes së hapave specifikë. Disa prej tyre po bëjnë përparim…por jo të gjitha dhe jo mjaftueshëm.”/ France24
