Autoritetet shëndetësore të huaja kanë bërë me dije se vaksina “AstraZeneca” ka efekte anësore. Disa vende europiane po përballen me rezistencën e punonjësve të shëndetësisë, të ciliët refuzojnë të marrin dozat e kësaj vaksine.
Në dy rajone të Suedisë është vendosur pezullimi programit të vaksinimit, në mënyrë që të mos kenë mungesa të punonjësve, për shkak të efekteve anësore si temperatura e lartë dhe dhimbjet e kokës.
Në Gjermani, punonjësit e shëndetësisë kanë bërë rezistencë në mënyrë masive ndaj vaksinimit.
Sipas një zyrtareje për komunikimin në spitalin Saint-Lo në Normandi të Francës, AstraZeneca shkakton më shumë efekte anësore sesa vaksina Pfizer.
Por, për zëdhënësin e AstraZeneca-s, këto janë reagime normale dhe të pritshme të vaksinës, ashtu siç edhe ishin të parashikuara nga testimet paraprake dhe të cilat mund të zgjasin deri në 12 orë.
Kujtojmë se sipas studiuesve të shëndetësisë, vaksin AstraZeneca është 90% efektive dhe dnër vaksinat më të lira për luftën kundër Covid 19.
Rasti më i njohur i efekteve anësore që shkaktoi kjo vaksinë ishte rasti i shtatorit të vitit të kaluar, i cili mori dhe vëmendje të madhe mediatike.
Një testues pas vaksinimit pësoi inflamacion të palcës kurrizore. Studimi u ndërpre për një kohë të shkurtër, derisa një komision i pavarur ekspertësh arriti në konkluzionin, se inflamacioni nuk ishte i lidhur me vaksinën.
Edhe tek vaksina e AstraZeneca-s u shfaqën reaksione tipike, si dhimbje në vendin e injektimit, dhimbje muskujsh apo dhimbje koke dhe lodhje. Edhe këtu reaksionet shfaqeshin tek personat e moshuar, por rrallë dhe efektet ishin të vogla.
