Këngëtarja dhe aktorja e njohur, Justina Aliaj, është infektuar me Covid-19. Është mësuar se artistja e shquar nga Shkodra është në gjendje të rëndë e shtruar tek spitali Infektiv.
Bëhet me dije se Aliaj ndodhet prej 5 ditësh e shtruar në spital, ku po kurohet për virusin. Artistja jeton prej vitesh mes Belgjikës e Tiranës dhe duket se këtë situatë të vështirë është gjendur në kryeqytetin shqiptar.
Justina Aliaj ka lindur në 21 prill 1951 në Shkodër dhe është bërë shumë e njohur me veprimtarinë e saj në kinematografi, teatër, e muzikë. Këngët e saj më të njohura janë “Mall për vendlindjen”, “Në ekranin e televizorit”, “Stacioni i dashur”, “Në mbrëmjen e vallëzimit”, “Unaza” etj.
Ndërkohë ajo ka interpretuar si aktore në disa filma e shfaqje teatrale, “Rrethi i kujtesës”, “Shtëpia e Bernanda Albës”, “Gratë trojane”, “Nobodysees”, “Tartufi” etj./Iconstyle.al/
