Akademiku i njohur, Artan Fuga përmes një statusi në rrjetet sociale ka reaguar lidhur me Ditën e Rinisë dhe festën e sotme për këtë ditë të rëndësishme të historisë së popullit shqiptar.
Përmes ironisë, ai ka komentuar se sot manifestohet një gëzim për këtë ditë, të cilën e përcolli edhe partia në pushtet, PS-ja në Kongresin e sotëm.
Fuga në shkrimin e tij nënkupton se gjendja e sotme e arsimit në vend nuk është në ditët e saja më të mira, madje as demokracia,e cila na serviret çdo ditë si një “pjatë e ftohtë”, me të cilën nuk ngop dot as sytë.
“Përshëndes me brohoritje delegatët e Kongresit që po mbahet duke qëndruar me orë të tëra përpara portave të Pallatit të Kongreseve, manifeston me gëzim dhe pankarta nëpër rrugët e qyteteve duke brohoritur për ata që i sollën lirinë, gjithë andej takime entuziaste me përfaqësues të Dhjetorit të Madh ’90, ku ata priten me entuziazmin dhe mirënjohjen e rinisë së sotme, sallat e bibliotekave dhe pallateve të kulturës edhe në fshatrat më të largëta mbushur plot e përplot me të rinj ku përkujtohen ngjarjet e mëdha të demokracisë, nga të gjitha vendet e Evropës kanë ardhur miq dhe të ftuar që përshëndesin rininë shqiptare, gara noti dhe kanoe janë kryer nga të rinj shqiptarë në të gjitha ngushticat e Evropës dhe të Skraparit, talentet shqiptare në matematikë dhe gjimnastikë kudo në olimpiada sot po nderohen nga mijëra sportistë të botës, ekipet zinxhir të futbollit po bëjnë ndeshje miqësore me kuble perëndimore fëmijësh, gjithë andej mbrëmje, party, ku festohet hyrja e afërt në Evropë, dymijë çifte të reja hynë sot për herë të parë në apartamentet e blera me hua pa asnjë interes, gjithçka në një dritë fishekzjarresh!.
Vërtet një ditë feste!”, ka shkruar akademiku.
GJKKO zbarkon me kontrolle në dosjen Balluku: Hetimet shtrihen te Bashkim Ulaj dhe Rrok Gjoka
Me vendim të Gjykatës së Posaçme kundër Korrupsionit dhe Krimit të Organizuar, mëngjesin e sotëm janë ushtruar kontrolle në kuadër...
