Prokurorja Arta Marku i ka bërë thirrje prokurorëve të aplikojnë për anëtar në KLP, pas shkarkimit nga detyra të Prokurores dhe anëtares se KLP Antoneta Sevdari nga Kolegji i Posaçëm Apelimit.
Sipas vendimit të firmosur nga nga Arta Marku, anëtari i ri i KLP do të plotësojë vendin e mbetur vakant pas shkarkimit të Sevdarit.
Arta Marku i ka bërë thirrje të gjithë prokurorëve që të dorëzojnë aplikimet për këtë vend vakant brenda 15 ditëve, ndërsa aktualisht KLP është me 10 anëtarë.
Kujtojmë se prokurorja Sevdari kaloi pa probleme në Komisionin e Pavarur të Kualifikimit, por Komisioneri Publik deklaroi se vendimi i Shkallës së Parë është marrë pa u bërë fillimisht një hetim i thelluar të paktën në dy kritere.
Me sa duket pasuria e bashkëshortit të saj ka sjellë edhe verdiktin final për shkarkimin.
