Anëtari i Forcës së Sigurisë së Kosovës, Sokol Ahmeti është shpallur Ushtari më i Mirë Ndërkombëtar për vitin 2021 në garën ndërkombëtare që është mbajtur në Kroaci. Ahmeti, tetar nga Regjimenti i Pare i Këmbësorisë i Komandës së Forcave Tokësore të FSK-së arriti të dilte i pari në mesin e shumë gauresve ku merrnin pjesë edhe ushtarë nga Sllovenia, Shqipëria, Shtetet e Bashkuara të Ameriëks, Britania e Madhe, Bosnja dhe Hercegovina, Maqedonia e Veriut, Franca etj.
“Me përkushtimin, angazhimin dhe performancën e lartë të treguar gjatë kësaj gare, tetar Sokol Ahmeti nga Regjimenti i Pare i Këmbësorisë i Komandës së Forcave Tokësore të FSK-së në mesin e shumë garuesve ka arritur të dalë i pari, duke u shpallur Ushtari më i Mirë Ndërkombëtar për vitin 2021”, thuhet në njoftim e shoqatës ndërkombëtare.
Të gjithë pjesëmarrësit në garë kaluan një sërë vështirësishë, ndër të cilat ishte edhe përshkrimi i rrugës me një gjatësi prej 30 kilometra, duke ekzekutuar 12 disiplina të ndryshme Ushtarake. Marrja pjesë në gara të tilla konsiderohet një mënyrë për të prmovuar vlerat dhe për të shkëmbyer përvojat, ndërsa rezultati që Ahmeti arriti atje është parë si një dëshmi e përgatitjes dhe profesionalizmit nga ana e Forcës së Sigurisë së Kosovës dhe pjesëtarëve të saj.
